Plattdüütsch in Oostholsteen
De plattdüütsch Spraak hett as ’n lebennig Spraak in de verleden Johr’n weller ’n düchtigen Stellenweert in dat gesellschaapsche Leven vun Noorddüütschland kregen. In Kinnergoorns un Scholen, bi Leeswettstrieden or Theateropföhren speelt de plattdüütsch Spraak en tonehmend gröttere Rull.
Ok de Kreis Oostholsteen hett sik dat Plattdüütsche lieksam ’n beten op de Fahn schreven un müch düsse Spraak ünnerstütten un lebennig hol’n. So hett to’n Bispill de oostholsteensch Kreisdag an'n 23.03.2007 beslaten, eenmal in’t Johr sien Kreisdagssitten ok mit ’n plattdüütsch Stünn aftoholen. He höllt Plattdüütsch för ’n wichtigen Deel vun uns Heimat un Levensoort.
Den akkeraten Woortluut vun de Beslussvörlaag köönt Se hier nakieken.
Plattdüütsch is een wichdigen Deel von uns Heimat un Levensoort. De Kreisdag vun den Kreis Oostholsteen hett dorüm in sien Tosamenkunft an‘n 20. in’n Märzmaand 2007 beslaten, uns Heimatspraak to fördern und to ünnerstütten: • De Kreisdag vun Oostholsteen steiht to de Opgaav, dat Plattdüütsche ünner de Arms to griepen un na Mööglichkeit dorför to sorgen, dat weller mihr Plattdüütsch snackt ward. • Eenmool in`t Johr schall dat taukünfdig een plattdüütsche Utsprook in den Kreisdag geben. • De Kreisdag findt dat wunnerbor, dat siet Johr un Dag in de Verwalten Mitarbeiders plattdüütsch snackt und dormit för Inwohners, de mit ehr Muddersprook na Eutin koomt, ok mit jem in ehr plattdüütsche Sprook snacken doot. • De Kreisdag beslütt, dat de Verwalten versöken schall, op de Internetsieden vun den Kreis uns plattdüütschen Inwohners ok plattdüütsche Texten to beden. • De Kreisdag röppt all Öllern un Grootöllern op, to Huus un besünners mit de Kinner mihr Plattdüütsch to snacken. • De Kreisdag beed ok dat Land Sleswig-Holsteen, Plattdüütsch as en fasten Deel vun den Ünnerricht an uns Scholen to moken. „Vörlees-Wettstrieden“ sind goot, avers se reckt nich ut de Kinner mit de Spraak vertruut to maken. • De Kreisdag föllert vun de Medien (de Bläder/Zeitung, Radio un Fernsehn) mihr plattdüütsche Andelen. Einstimmig beschloss